Бишкек, 28.01.23./Кабар/. Кыргызстан менен Өзбекстандын транспорт министрлери Тилек Текебаев жана Илхом Махкамов жолукту.
Ведомствонун маалымат кызматынан кабарлашкандай, тараптардын жолугушуусу 27-январда Өзбекстандын президенти Шавкат Мирзиёевдин Кыргызстанга болгон мамлекеттик сапарынын алкагында өткөн.
Жолугушуунун жүрүшүндө жол-транспорттук тармагын эки тараптуу өнүктүрүү боюнча жемиштүү диалог болду.
Ошондой эле Кытай-Кыргызстан-Өзбекстан эл аралык темир жолунун курулушу тууралуу сүйлөшүп, темир жолдун курулушу артыкчылыктуу долбоорлордун бири экенин баса белгилешти.
"Бул жаңы темир жол коридору Евразия континенталдык көпүрөсүнүн түштүк тармагы болуп, Түштүк-Чыгыш жана Батыш Азия менен Жакынкы Чыгыштын базарларына жол ачат", - деп айтылат маалыматта.
Жолугушуунун жыйынтыгында тараптар эки мамлекеттин жол-транспорт жана темир жол тармагын өнүктүрүү боюнча кызматташууну улантууга макулдашышты.
Пикир
Оставить комментарий