Бишкек, 04.10.24. /Кабар/. Кыргызстанда 9 негизги социалдык мааниге ээ азык-түлүк товарлары бекитилди, анын 7си ички өндүрүштүн эсебинен толук камсыздалат. Бул тууралуу министрлер кабинетинин төрагасынын орун басары - суу ресурстары, айыл чарба жана кайра иштетүү өнөр жайы министри Бакыт Төрөбаевдин төрагалыгы астында өткөн Азык-түлүк коопсуздугу жана тамактануу боюнча кеңештин жыйында айтылды.
Тиешелүү мамлекеттик органдын маалыматына ылайык, 2024-жылдын январь-июль айларына карата өзүн-өзү камсыздоонун деңгээли төмөндөгүдөй:
- нан азыктары – 86,5%;
- картошка – 162,8%;
- жашылча-жемиштер – 159,0%;
- эт – 79,1%;
- сүт – 116,3%;
- кант - 49,2%;
- жумуртка – 71,4%;
- өсүмдүк майы - 48,5%.
Ошондой эле калктын муктаждыктарына байланыштуу жаңы түшүмгө чейин калктын өзүн-өзү камсыз кылуу пайызы төмөндөп кетиши мүмкүн экени айтылды. Буга байланыштуу минкаб төрагасынын орун басары айыл чарба өндүрүшүн колдоо жана жергиликтүү өндүрүшчүлөрдү стимулдаштыруу боюнча кошумча чараларды көрүүнү тапшырды.
Пикир
Оставить комментарий