Бишкек, 16.02.22. /Кабар/. Министрлер кабинетинин төрагасы Акылбек Жапаров парламенттин жыйынында 2022-жылы дыйкандарга жылдык 6%дык чен менен жеңилдетилген насыя катары 26 млрд сомго жакын каражат берилерин белгиледи.
Анын айтымында, ирригациялык тутумду оңдоо жана башка тиешелүү иш-чараларга 1 млрд сом, үрөн сатын алууга 1,5 млрд сомго жакын жана минералдык жер семирткичтерди сатып алууга 1 млрд сомго жакын каражат бөлүү пландалууда.
Ал Мамлекеттик материалдык резервдин кору дайыма жаңыланып турарын белгиледи. Азык-түлүк коопсуздугу маселесине байланыштуу Акылбек Жапаров министрлер кабинети азык-түлүктүн негизги 9 түрү менен камсыздоо боюнча чарларды кабыл алып жатканын айтты.
Пикир
Оставить комментарий