Бишкек, 27.03.23. /Кабар/. Кыргызстанда “Бизнес күн тартиби 2026” иштелип чыгып, кабыл алынды. Экономика жана коммерция министринин орун басары Айнура Үсөнбекова мамлекет улуттук экономиканы өнүктүрүүдө кандай милдеттерди коюп жатканын айтып берди.
“Бизнес күн тартибинде” дүйнөдө жана аймакта болуп жаткан өзгөрүүлөрдү эске алуу менен бизнести туруктуу өнүктүрүүгө багытталган мамлекеттин жана жеке сектордун чараларынын жана демилгелеринин комплекси топтолот”, - дейт ал.
Министрдин орун басарынын айтымында, күн тартибин иштеп чыгууга мамлекеттик органдардын жана бизнес-ассоциациялардын дээрлик бардык өкүлдөрү тартылган. Бардык жерде бизнес жана инвестициялык чөйрөгө терс таасирин тийгизген дүйнөдөгү жана региондогу мамлекеттердеги саясий жана экономикалык туруксуздук сыяктуу факторлорго өзгөчө көңүл бурулду.
“Ушул жана башка факторлор Кыргызстанды 2026-жылга чейин өнүктүрүүнүн Улуттук программасында белгиленген максаттарга, ошондой эле Кыргызстанды өнүктүрүүнүн Улуттук стратегиясында белгиленген Кыргызстан 2040-жылга чейин, узак мөөнөттүү максаттарга жетүү үчүн, орто мөөнөттүү мезгилге кошумча чараларды көрүү үчүн сигнал болуп калды”, - деди Айнура Үсөнбекова.
Документке ылайык, 2026-жылга чейин республика жыл сайын 5 пайыздык экономикалык өсүшкө жетиши керек, ИДП киши башына 1,5 миң долларды түзүшү керек, жумушсуздук 5 пайызга чейин төмөндөшү зарыл. Тике чет өлкөлүк инвестициялардын жыл сайын агымын камсыз кылуу ИДПга карата 13 пайыздан кем эмес өлчөмдө белгиленет. Мындан тышкары, бийликтер экология маселесине кам көрүштү. 2026-жылы парник газдарынын эмиссиясы 44 пайызга кыскарат, 2050-жылга чейин Кыргызстан жашыл өнүгүү платформасында көмүртектин нейтралдуулугуна жетишет.
"Бул көрсөтмөлөр бүткүл дүйнө жүзү боюнча климаттык тобокелдиктер туруктуу экономикалык өнүгүүгө коркунуч катары каралып жаткандыгына байланыштуу", - деп жыйынтыктады ал.
Пикир
Оставить комментарий