Бишкек, 13.09.22. /Кабар/. Бүгүнкү күндө 70 субъектке бодо мал сатып алууга насыя берилди. Бул тууралуу Финансы министрлигинин басма сөз кызматы билдирет.
Ведомствонун маалыматына ылайык, финансы-насыялык фонд тарабынан “Сүт тармагын кредиттөө долбоору” иштелип чыкты. Программа сүт өндүрүү боюнча бодо малдын санын көбөйтүүгө жана сүт тармагынын өндүрүмдүүлүгүн жогорулатууга багытталган.
Бүгүнкү күндө 70 субъектке 27 млн 860 миң сом насыя берилди.
Алардын ичинен облустар боюнча:
- Ысык-Көл облусу – 11 млн 500 миң сом;
- Талас облусу – 6 млн 410 миң сом;
- Чүй облусу – 3 млн 150 миң сом;
- Жалал-Абад облусу – 2 млн 800 миң сом;
- Нарын облусу – 4 млн сом.
Эскерте кетсек, кредиттер төмөнкү шарттар менен берилет:
Айылдык өндүрүшчүлөр - 500 миң сомго чейин.
Фермалар үчүн - 1 млн сомго чейин.
Шарттары:
- жылдык 6% га чейин;
- финансылык санкциялар - жылына 12%;
- күрөөгө каралган шарттар;
- 150 миң сомго чейин кредиттерди «кепилдик» менен берүүнү карайт.
Мөөнөтү - 36 айга чейин, негизги карызды жабуу үчүн 9 ай жеңилдетилген убактысы менен жана квартал сайын бекитүү шарт.
“Насыяларды берүү боюнча кошумча маалымат алуу үчүн Финансы министрлигине караштуу финансы-кредиттик фондго кайрылыңыз: 0(312) 30-48-83; 0(997)88-55-54; 0(755) 55-88-71; Дареги: Бишкек шаары, Эркиндик бульвары 58. Финансы министрлигинин Борбордук казыналыгынын имараты. Ошондой эле КР аймактарында финансы-кредиттик фонддун ыйгарым укуктуу өкүлдөрү бар, алар “Сүт тармагын кредиттөө долбоору” боюнча маалымат берүүгө даяр”, - деп айтылат маалыматта.
Пикир
Оставить комментарий