Бишкек, 14.07.22. /Кабар/. Кыргызстанда акыркы суткада 17 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, анын ичинде Чүй облусунда 9, Ош облусунда 1, Талас облусунда 2, Жалал-Абад облусунда 3, Баткен облусунда 1, Ысык-Көл облусунда 1 өрт кырсыгы катталып, аларды өчүрүүгө 19 өрт өчүрүү бөлүмү тартылган.
Кара-Көл шаарында кафенин жыгач устундуу тунуке менен жабылган 11,25 чарчы метр отун кампасы толугу менен күйгөн. Өрттүн себеби такталууда.
Кызыл-кыя шаарында Volkswagen үлгүсүндөгү жеңил унаа күйүп жаткандыгы тууралуу маалымат түшкөн. Өрт бөлүм жеткенге чейин өчүрүлгөн.
Балыкчы шаарында Бишкек - Балыкчы унаа жолунда Volkswagen Passat үлгүсүндөгү жеңил унаанын кыймылдаткыч тарабы толугу менен күйгөн. Өрттүн себеби такталууда.
Пикир
Оставить комментарий