Кыргызстанда бир жумада 15 миңден ашуун жол эрежеси бузулган

Бишкек, 05.12.22. /Кабар/. Кыргызстанда 26-ноябрдан 2-декабрга чейинки аралыкта 15 миң 367 жол эрежесин бузуу фактысы катталды. Бул тууралуу КР ИИМдин Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка ылайык, анын ичинен:

• документи жок унаа башкаруу - 195
• мас абалында автоунаа башкаруу - 318
• автоунаанын терезелерин мыйзамсыз караңгылатуу - 33
• жөө жүргүнчүлөр катышкан жол эреже бузуулар - 275
• транспорт каражаттарынын эксплуатациялоо эрежелерин бузуу - 4 058
• транспорт каражаттарынын жол кыймылынын эрежелерин бузуусу - 6 478
• башка жол эрежелерин бузуу фактылары - 4 010

Жол кыймылынын коопсуздугун камсыздоо башкы башкармалыгы айдоочулардан жол кыймылынын коопсуздугунун эрежелерин так сактоого чакырат.