Бишкек, 20.12.23. /Кабар/. Оорулардын алдын алуу жана мамлекеттик санитардык-эпидемиологиялык көзөмөл департаменти өлкөдөгү эпидемиологиялык абал тууралуу маалымат берди.
Ага ылайык, үстүбүздөгү жылдын 50-жумасында (11.12-17.12.23) республика боюнча курч респиратордук вирустук инфекциянын жана сасык тумоонун 11 миң 575 учуру катталган.
Ошондой эле акыркы жумада Бишкекте жана Чүй облусунда COVID-19 инфекциясынын 2 учуру катталды.
Республикада сасык тумоо, КРВИ жана COVID-19 менен ооругандардын саны боюнча эпидемиологиялык абалга мониторинг жана баалоо улантылууда.
Пикир
Оставить комментарий