Бишкек, 12.09.22. /Кабар/. Үстүбүздөгү жылдын 23-августуна карата дан эгиндери (дан буурчак өсүмдүктөрү, күрүч жана гречка) өткөн жылдын ушул мезгилине салыштырмалуу 403 миң гектар аянттан 6% көп жыйналды жана бир миллион тоннадан ашык же 2 эсеге көп дан бастырылды. Бул тууралуу Улуттук статистика комитети билдирет.
Маалыматка ылайык, республика боюнча дан эгиндердин чаап-жыйноо аянты жыйнала турган аянтына карата 70% жакын болуп түзүлдү, анын ичинде Чүй облусунун чарбаларында - 83%, Баткен - 71% жана Ош облусунда - 70%.
Өткөн жылдын ушул мезгилине салыштырмалуу арпанын дүң жыйымы (2,6 эсеге), буудай (2 эсеге) , май өсүмдүктөрү (10 пайызга) жана мөмө-жемиштер (7 пайызга) кыйла көбөйдү.
Пикир
Оставить комментарий