Бишкек, 24-июль /Айжамал Дуйшоева - Кабар/. Кыргызстанда июль айынын соңунда эл аралык салттуу “Оймо” фестивалы ачылат. Бул ирээт фестиваль 27-30-июль күндөрү Бишкекте жана 1-6-августта Чолпон-Атада өтөт.
Иш чара 2006-жылдан бери Бишкекте башталып, Ысык-Көлдө уланат.
Уюштуруучулардын билдиришинче, фетиваль өлкөдө кол өнөрчүлүктү өнүктүрүү, ата-бабалардын салтын улантуу, маданиятты сактап калуу ошондой эле, Ысык-Көлдү эл аралык экологиялык таза маданий туризм аймагына айлантуу максатын көздөйт.
Жарманкеге кол өнөрчүлөр, дизайнерлер, сүрөтчүлөр жана кол өнөрчүлүктү “этно” стилинде чагылдырган таланттар чакырылат.
Талаптар:
1) өздүк өндүрүү ;
2) буюм колго жасалышы керек;
3) кол өнөрчүлүктүн салттуу технологиясын колдонуу;
4) эксклюзивдүү, оригиналдуу дизайн;
5) табигый материалды колдонуу;
6) заманбап базардын талабын эске алуу.
Кошумча суроолор үчүн 0312 62-03-85 телефонуна кайрылсаңыздар болот.
Пикир
Оставить комментарий