Бишкек, 19.04.23. /Кабар/. Үстүбүздөгү жылдын үч айында Кепилдик фонду 1 миң 700дөн ашуун ишкерге 1 млрд 78 млн сомдон ашык суммага кепилдик колдоо көрсөттү. Бул тууралуу фонддун басма сөз кызматынан билдиришти.
Кепилдиктер ишкерлерге 2 млрд 66 млн сомдон ашык кредит алууга мүмкүндүк берген.
"Кепилдик фонду" ААКсынын жаңы кепилдик инструменти – өткөн жылдын аягында киргизилген портфелдик кепилдиктер, республиканын ишкерлери үчүн берилген кепилдиктердин жана кредиттердин көлөмүн көбөйтүүгө мүмкүндүк берди.
"Фонд өз ишмердүүлүгүнүн бүткүл мезгилинде (2017-жылдан тарта) 6 млрд 374 млн сомдон ашык суммага 5 200дөн ашык кепилдик берди, бул ата мекендик бизнести 20 млрд 681 млн сомдон ашык суммага кредиттик каржылоого шарт түзүлдү", - деп айтылат билдирүүдө.
Пикир
Оставить комментарий