Бишкек, 07.06.20. /Кабар/. Кыргызстанда COVID-19 лабораториялык жактан тастыкталган оорулуулар менен байланышта болгон жактардын саны 4 миң 71ге жетти. Бул тууралуу өкмөт үйүндө өткөн брифингдин жүрүшүндө саламаттык сактоо министринин орун басары Нурболот Үсөнбаев билдирди.
Анын айтуусуна караганда, байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал.
Өлкөнүн башкы санитардык дарыгери кошумчалагандай, Кыргызстан боюнча обсервацияда 676 адам жатат.
Белгилей кетсек, 7-майга карата Кыргызстанда коронавирус жуккан 24 жаңы учур катталып, жалпы 895 учурга жетти. Анын ичинен 224ү медицина кызматкерлери. Стационарда 246 адам жатат, алардын ичинен төртөө реанимацияда. Ооруканадан 637 бейтап айыгып, үйлөрүнө чыгарылды. Ал эми коронавирус жуккан 12 адам каза болду.
Пикир
Оставить комментарий