Бишкек, 12.04.20. /Кабар/. Кыргызстанда COVID-19 коронавирустук инфекциясына чалдыккандардын 201и –аял, ал эми 176сы – эркек кишилер. Бул тууралуу өкмөт үйүндөгү маалымат жыйында саламаттык сактоо министринин орун басары Мадамин Каратаев билдирди.
Анын айтымында, алардын ичинен:
- 15 жашка чейинки балдар - 38 учур,
- 16дан 19 жашка чейинкилер – 12 учур,
- 20дан 35 жашка чейинкилер – 90 учур,
- 36дан – 55 жашка чейинкилер – 141 учур,
- 56 жаштан жогору – 96 учур.
Белгилей кетсек, Кыргызстанда 12-апрелге карата коронавирус жуктурган 38 жаңы учур катталды. Азыркы тапта өлкөдө коронавирус жуктурган учурлардын саны 377ге жетет. Алардын ичинен 54 адам коронавирустан айыгып, ооруканадан чыгарылган. Коронавирус жуктурган 5 адам каза болду.
Пикир
Оставить комментарий