Бишкек,01.07.19. /Кабар/. Бүгүн Кыргызстанда куткаруучулардын кесиптик майрамы белгиленүүдө. Ага карата бүгүн, 1-июлда Ош шаарында салтанаттуу иш-чара өткөрүлдү.
ӨКМден кабарлашкандай, иш-чарага министрликтин жетекчилиги, жергиликтүү бийлик өкүлдөрү, өздүк курам, ардактуу ардагерлер жана коноктор катышты.
Өзгөчө кырдаалдар министри Нурболот Мирзахмедов иш-чараны ачып, жалпы куткаруучуларды куттуктады.
“Урматтуу куткаруучулар, Сиздерди бүгүнкү кесиптик майрамыныздар менен куттуктап жатып, татаал жана сыймыктуу ишиңиздерге албан ийгиликтерди каалап, бекем ден-соолук, үй-бүлөңүздөр менен бакубат узак өмүр сүрүшүңүздөргө тилектешмин. Эли-жерибизди коргоодо эмгегиңиздер жемиштүү болуп, кыргыз элинин сиздерге болгон алкышы артып, батасы тийсин!”, - деди министр Н.Мирзахмедов.
Иш-чаранын алкагында ӨКМдин алдыңкы кызматкерлери министрликтин Ардак грамотасы, төш белгилери менен сыйланышкан.
Пикир
Оставить комментарий