Бишкек, 11.02.23. /Кабар/. Министрлер кабинетинин төрагасы Акылбек Жапаров инвестициялык кеңештин жыйынында Экономика жана коммерция министри Данияр Амангелдиевден мамлекеттик-жеке өнөктөштүк (МЖӨ) долбоорлорун ишке ашыруу боюнча сынакты алып салууну суранды.
Министрлер кабинетинин төрагасы белгилегендей, мамлекет ишкердикке ар тараптан колдоо көрсөтүшү керек.
"Ишкерлердин келечектүү долбоору жана ишке ашырууга каражаты бар. Бул сынактардын кереги жок, жардам бериңиз, сизден талап кылынган нерсени камсыз кылыңыз. Учурдагы бюрократия көйгөйлөрдү жаратууда. Алгач долбоор боюнча сынак, андан кийин жер, андан кийин имарат үчүн. Мунун барын жокко чыгарыңыздар", - деди ал.
Соңунда министрлер кабинетинин башчысы сынак идеясы бар, бирок каражаты жок ишкерлер үчүн өткөрүлүшү керектигин белгиледи.
Пикир
Оставить комментарий