Бишкек, 16.12.22. /Кабар/. Кыргызстанда сутка ичинде 15 өрт кырсыгы катталып, өрттү өчүрүүгө 16 бөлүм тартылган. Бул тууралуу Өзгөчө кырдаалдар министрлигинен билдиришти.
Маалыматка ылайык, Бишкек шаарында 3, Чүй облусунда 2, Ош облусунда 1, Ысык-Көл облусунда 2, Жалал-Абад облусунда 3, Талас облусунда 1, Баткен облусунда 2, Нарын облусунда 1 өрт кырсыгы катталган.
Алсак, Бишкек шаарынын Садыгалиев көчөсүндө жайгашкан жалпы аянты 40 чарчы метр болгон турак үйдүн үч бөлмөсү, үй-буюмдары күйгөн. Өрттүн себеби такталууда.
Чүй облусунун Ысык-Ата районундагы Ивановка айылында жыгач устундуу шифер менен жабылган 162 чарчы метр сарай, 250 түк чөп күйгөн. Өрттүн себеби такталууда.
Ысык-Көл облусунун Каракол шаарында жайгашкан жыгач устундуу темир менен жабылган турак үйдүн 10 чарчы метр чатыры күйгөн. Өрттүн себеби такталууда
Жалал-Абад облусунун Сузак районундагы Арал айылында жыгач устундуу шифер менен жабылган турак үйдүн 12 чарчы метр болгон бир бөлмөсүнүн шыбы күйгөн. Өрттүн себеби такталууда.
Пикир
Оставить комментарий