Кыргызстанда сутка ичинде 3 өрт кырсыгы катталды

Бишкек, 16.02.23. /Кабар/. Кыргызстанда сутка ичинде 3 өрт кырсыгы катталып, өрттү өчүрүүгө 3 бөлүм тартылган. Бул тууралуу Өзгөчө кырдаалдар министрлигинен билдиришти.

Маалыматка ылайык, Чүй облусунда 2, Жалал-Абад облусунда 1 өрт кырсыгы катталган.

Чүй облусунун Чүй районундагы Железнодорожное айылында жыгач устундуу шифер менен жабылган турак үйдүн жалпы 160 чарчы метр чатыры жана ашканасы күйгөн. Өрттүн себеби такталууда.

Чүй облусунун Аламүдүн районундагы Молдовановка айылында көп кабаттуу үйдүн 38 чарчы метр чатыры жана балкону күйгөн. Өрттүн себеби такталууда.

Жалал-Абад шаарынын Көк-Арт кичирайонунда көп кабаттуу турак үйдүн ашканасында газ плитанын электр зымдары күйгөн. Өрт электр зымдарынын кыска чыңалуусунан келип чыккан.