Бишкек, 04.05.20. /Адил Төлөгөнов – Кабар/. Кыргызстанда сутка ичинде 9 медкызматкер коронавирус жуктуруп алды. Бул тууралуу өкмөт үйүндөгү маалымат жыйында Коомдук саламаттык сактоо башкармалыгынын башчысы Айнура Акматова билдирди.
Анын айтымында, Жалал-Абад облусунда 2, Бишкек шаарында 6 жана Нарын облусунда бир медкызматкер илдетке кабылган.
"Жалпысынан республика боюнча COVID-19 диагнозу менен медициналык кызматкерлер арасында 216 учур катталды, алардын ичинен 139 медкызматкер стационарлардан айыгып чыккан", - дейт ал.
Белгилей кетсек, 4-майга карата Кыргызстанда коронавирус жуктурган учурлардын саны 830га жетти. Алардын ичинен 216сы медицина кызматкери. Илдеттен 575 жаран айыкса, коронавирус жуктурган 10 адам каза болду.
Пикир
Оставить комментарий