Бишкек, 12.04.23. /Кабар/. Март айында белгиленген эрте жаздын келиши жана аба ырайынын ыңгайлуу шарттары жазгы талаа иштеринин темпинин жогорулашын шарттады, деп билдирет Улуттук статистика комитети.
Алсак, үстүбүздөгү жылдын 23-мартына карата республика боюнча жалпысынан 124 миң гектар жогору эгин айдалды, бул өткөн жылдын тиешелүү күнүнө караганда 1,6 эсеге көп.
Үстүбүздөгү жылдын 23-мартына карата жаздык буудай эгилген аянт өткөн жылдын ушул эле датасына жаздык эгин себилген аянтка карата 1,7 эсеге, арпа 1,5 эсеге, май өсүмдүктөрү 3 эсеге, жашылчалар 2 эсеге жана картошка 1,4 эсеге өстү.
2023-жылдын 23-мартына карата жаздык эгиндердин жалпы аянтында эң чоң салыштырма салмакты Чүй облусу - 52%, Ош - 21%, Баткен жана Жалал-Абад облустарынын - 13% чарбалары ээледи.
Мындан тышкары, үстүбүздөгү жылдын март айында айыл чарба өндүрүүчүлөрү тарабынан 37,4 миң гектар аянтта күздүк эгиндерди азыктандыруу жана 154,4 миң гектар аянтта жазгы айдоо иштери жүргүзүлдү.
Пикир
Оставить комментарий