Кыргызстанды ким өнүгүүгө алып келет – президент жооп берди

Бишкек, 02.10.18. /Кабар/. Президент Сооронбай Жээнбеков ишмердүүлүктүн бардык активдүү тармактарында өлкөнүн өнүгүшүнө чоң салым кошкондорду мамлекеттик сыйлыктар менен салтанаттуу сыйлоо аземинде Кыргызстанды бүгүнкү иш-чаранын күнөөкөрлөрүнүн жолун жолдогондор өнүктүрөрүн белгиледи.

Мамлекетти өнүктүрүү тууралуу айтып жатып ал өлкөнүн коомдук, саясий жана социалдык турмушунда болуп жаткан өзгөрүүлөргө токтолду.

“Биз алдыбызга бир катар стратегиялык максаттарды койдук, дымактуу долбоорлорду ишке ашырайын деп жатабыз. Биздин башкы максатыбыз – өлкөнү өнүктүрүү, экономиканы көтөрүү жана социалдык-маданий тармакты жакшыртуу. Жогорку максаттарга жетүү үчүн талыкпаган, таза эмгек – бул ийгиликтин ачкычы”, - деди Жээнбеков.

Ал коюлган максаттарга карай жолдогу негизги кепил адамдын эмгеги экенин, ал коомдо урматталышы керектигин айтты.

“Бул залда отурган адамдар – эмгекчилдердин алдыңкы катарындагылар. Алар менен биздин өлкө сыймыктанышы керек. Кыргызстандыктар сиздерге карап түздөнөт, силерден жаштар үлгү алат”, - деди президент.