Бишкек, 24.10.19. /Кабар/. Бокс боюнча өспүрүмдөр арасында өткөн Азия биринчилигинде кыргызстандык спортчулар 6 медаль багындырышты. Бул тууралуу Жаштар иштери, дене тарбия жана спорт мамлекеттик агенттигинен билдиришти.
Мелдеш 10-17-октябрда Бириккен Араб Эмираттарынын Эль-Фуджайра шаарында өткөн. Ага Кыргызстандын атынан 12 спортчу катышкан.
Биринчиликтин жыйынтыгында кыргызстандык боксчулар 2 күмүш, 4 коло медаль утушкан.
Күмүш байгени Халит Алиев жана Арген Бактыбеков жеңишти. Коло медалга Сагын Сатыбалды уулу, Даниэль Абдрахманов, Бекбол Мурасбеков жана Кабатай Мукаш уулу татыды.
Пикир
Оставить комментарий