Бишкек, 29.01.24. /Кабар/. Кыргызстандын кыз-келиндер күрөшү боюнча улуттук курама командасынын мүчөлөрү Россияда өткөн мелдеште байгелүү орундарды багынтты. Бул тууралуу Дене тарбия жана спорт департаментинен билдиришти.
“Иван Ярыгин-2024” кубогуна арналган XXXV эл аралык мелдеши Красноярск шаарында 25-28-январь күндөрү өткөн. Ага 24 өлкөдөн келген спортчулар катышты. Байге фонду 7 млн рублды түзгөн мелдеште жалпы 20 комплект медаль ойнотулду.
Эл аралык мелдеште кыргызстандык үч балбан кыз коло медаль тагынды:
- Калмира Билимбек кызы (59 кг);
- Жаркынай Нурлан кызы (62 кг);
- Нурзат Нуртаева (72 кг).
Курама команда улук машыктыруучуБайгазы Кенжебаевдин жетекчилиги алдында мелдешке катышты.
Пикир
Оставить комментарий