Бишкек, 14.09.23. /Кабар/. Кыргызстандын Өзгөчө кырдаалдар министрлигинин Куткаруучуларды даярдоочу мамлекеттик борборунун куткаруучу тобу коңшу Казакстанда өтүп жаткан “Казкуткару-2023” эл аралык мелдешине катышууда. Бул тууралуу КР ӨКМдин маалымат кызматынан билдиришти.
Куткаруучулар арасында өтүп жаткан мелдеш күн мурун, 13-сентябрда старт алган.
Масштабдуу мелдешке Кыргызстан, Азербайжан, Венгрия, Казакстан жана Өзбекстандын куткаруучулары катышууда.
Машыгуунун ачылыш аземинде беш өлкөнүн өкүлдөрүнө авариялык-куткаруу кызматтарынын кыйраган имараттарда жана курулуштарда, тоолуу аймактарда издөө-куткаруу иштерин жүргүзүү, аба жана темир жол транспортундагы, химиялык кооптуу объектидеги кырсыктарды жоюу, өрттү өчүрүү жана сууда жабыркагандарды куткаруу боюнча практикалык иш-аракет көрсөтүлдү.
Белгилей кетсек, бул иш-чара издөө-куткаруу иштерин жүргүзүү көндүмдөрүн жогорулатуу, ошондой эле мелдештин катышуучуларынын тажрыйба алмашуу жана кесиптик чеберчилигин жогорулатуу максатында өткөрүлүүүдө.
Куткаруучулардын эл аралык мелдеши 20-сентябрга чейин уланат.
Пикир
Оставить комментарий