Бишкек, 24-апрель /Айжамал Дуйшоева-Кабар/. Кыргызстандык спортчулар Казакстанда өткөн дзюдо боюнча эл аралык мелдеште 2 медаль утуп алышты. Бул тууралуу КРнын күрөш федерациясы билдирди.
Маалыматка ылайык, 21-23-апрель аралыгында Казакстандын дзюдо федерациясынын ардактуу президенти Бекет Махмутовдун урматына Алматыда дзюдо боюнча эл аралык турнир өттү. Азия дзюдонун бирикмесинин башкы катчысы Мукеш Кумар мелдештин ардактуу коногу болду.
Мелдештке 6 өлкөдөн жана Казакстандын бардык облустарынан 500гө жакын спортчу катышты.
“Мелдештин биринчи күнүндө биздин спортчу Асман Акылбек уулу 60 кг чейинки салмактык категорияда 3-оруду ээледи. Кристина Нежникова 78 кг салмактык категорияда коло медалдын ээси болууга жетишти”,-деп белгиледи федерациядан.
Пикир
Оставить комментарий