Бишкек, 27.11.24. /Акназик Тургунбаева-Кабар/. Кыргызстандык Ольга Севостьянова "Романсиада" орус романстарын жаш аткаруучулардын XXVIII эл аралык сынагынын финалына чыкты. Бул тууралуу Россиянын Бишкектеги Маданият жана илим борборунан билдиришти.
Мелдештин финалы 1-декабрда Москвада өтөт. Ага Азербайжан, Болгария, Беларусь, Казакстан, Кытай, Кыргызстан, Россия жана Өзбекстандан 12 аткаруучу өткөн.
Финалисттер классикалык, модерн жана салон романстарын аткарышат. Финалдын биринчи турунда Ольга П.Чайковскийдин "Скажи, о чем в тени ветвей" романсын, экинчи турда Р.Бойко менен С.Есениндин "Удел желанный" романсын, ал эми үчүнчү турда Б. Фоминдин "Моя золотая" романсын аткарат.
Ольга Севостьянова К.Молдобасанов атындагы Кыргыз улуттук консерваториясынын 3-курсунун студенти. Үстүбүздөгү жылдын октябрь айында Маданият министрлиги менен Россиянын Бишкектеги маданият жана илим борбору тарабынан уюштурулган “Борбордук Азия роман оюндары” сынагынын лауреаты болгон.
Мелдештин финалы 1-декабрда Москвада өтөт. Ага Азербайжан, Болгария, Беларусь, Казакстан, Кытай, Кыргызстан, Россия жана Өзбекстандан 12 аткаруучу өткөн.
Пикир
Оставить комментарий