Кыргызстандын аймагында 13 өрт кырсыгы катталды

Бишкек, 27.01.22. /Кабар/. Сутка ичинде республиканын аймагында 13 өрт кырсыгы катталып, өрттү өчүрүүгө 15 бөлүм тартылган. Бул тууралуу Өзгөчө кырдаалдар министрлигинин басма сөз кызматынан билдиришти.

Такталган маалымат боюнча, Бишкек шаарында - 2, Ош шаарында - 1, Жалал-Абад облусунда - 4, Чүй облусунда - 3, Нарын облусунда - 1, Ысык-Көл облусунда - 2 өрт кырсыгы катталган.

Ал эми куткаруу кызматтары тарабынан 6 чыгуу болуп, куткаруучулар бир жансыз денени суудан чыгаруу, бекилип калган төрт эшикти ачып, бир суу түтүкчөсүн оңдоп берүү ишин аткарышкан.