Бишкек, 19.11.20. /Кабар/. Кечээ, 18-ноябрь күнү Кыргызстандын Пакистандагы элчиси Эрик Бейшембиев Гвадар шаарына болгон иш сапарынын алкагында аталган шаардын Соода-өнөр жай палатасынын президенти Балуч Навид жана Пакистандын Сенатынын (парламентинин) мүчөсү Бабар Кауд менен жолугушту.
Жолугушууда эки тараптуу соода-экономикалык маселелер талкууланып, Соода-өнөр жай палатасынын президенти кыргыз товарларын Африка жана Чыгыш өлкөлөрүнө Гвадар порту аркылуу экспорттоону сунуш кылган.
Жолугушуу учурунда тараптар 2021-жылдын жаз айларында Пакистанда Борбор Азия өлкөлөрүнүн, Пакистан жана Афганистандын бизнес коомчулугунун катышуусу менен бизнес саммитин өткөрүүнү макулдашкан.
Иш сапардын алкагында Бейшембиев Гвадар шаарынын портунун иши менен таанышып чыккан.
Пикир
Оставить комментарий