Бишкек, 06.07.23. /Кабар/. Кыргызстандын футзал боюнча улуттук курама командасы тарыхта биринчи өтө турган CAFA Futsal Cup-2023 мелдешине даярдыктын алгында Бишкекте окуу-машыгуу жыйынын өткөрөт. Улуттук кураманын башкы машыктыруучусу Марат Дуванаев жыйынга 16 талаа оюнчусун жана 4 дарбазачыны чакырды.
Футзал ассоциациясынан кабарлашкандай, машыгуулар 9-июлда башталып, 21-июлга чейин уланат.
Эске салсак, CAFA Futsal Cup-2023 мелдеши Дүйшөмбү (Тажикстан) шаарында 23-30-июль күндөрү өтөт. Аталган турнирде Кыргызстандын курамасы Иран, Афганистан, Тажикстан, Түркмөнстан жана Өзбекстан командалары менен оюнда кез келет.
Пикир
Оставить комментарий