Бишкек, 17.06.22. /Кабар/. Кыргызстандын Тажикстандагы элчилиги эл аралык кол өнөрчүлүк жана улуттук тамак-аш фестивалына катышты. Бул тууралуу КР ТИМдин басма сөз кызматы билдирет.
Маалыматка ылайык, фестиваль «Суу – 2018-2028-жылдарга туруктуу өнүгүү үчүн» иш-аракеттердин эл аралык он жылдыгына карата Экинчи жогорку деңгээлдеги эл аралык конференциянын алкагында уюштурулду.
Иш-чарага Душанбе шаарындагы дипломатиялык корпусунун өкүлдөрү, чыгармачыл топтор жана Экинчи эл аралык жогорку деңгээлдеги конференцияга катышкан мамлекеттердин делегация башчылары катышты.
Фестивалда Кыргызстандын Тажикстандагы элчилиги улуттук тамак-аштарды, сувенирлерди, ошондой эле Кыргызстандын туризми, экспорттук потенциалы жана маданияты тууралуу маалымат камтыган стенд тартууланды.
Пикир
Оставить комментарий