Кыргызстандын тоолуу аймактарында кар көчкү түшүү коркунучу жогору – ӨКМ

Бишкек, 20.02.24. /Кабар/. Кыргызстандын тоолуу аймактарында кар көчкү түшүү коркунучу жогору. Бул тууралуу Өзгөчө кырдаалдар министрлигинен билдиришти.

Маалыматка ылайык, 20-февралда күтүлүп жаткан жаан-чачынга байланыштуу Кыргызстандын тоолуу райондорунда, ошондой эле ашууларда кар көчкү түшүүcү жана кар күрткүсү күтүлөт, жолдор тайгак болуп муз тоңот:

• Бишкек-Ош унаа жолунун 121-138-чакырымдарында (Төө-Ашуу ашуусу);
• Бишкек-Ош унаа жолунун 198-260-чакырымдарында (Ала-Бел ашуусу, Чычкан капчыгайы);
• Суусамыр-Талас-Тараз 1-14-чакырымдарында (Өтмөк ашуусу);
• Ала-Бука-Каныш-Кыя унаа жолунун 59-113-чакырымдарында (Чапчыма ашуусу);
• Красная Горка-Ак-Таш унаа жолунун 0-3 чакырымдарында;
• Мырзаке-Кара-Кулжа-Алайкуу унаа жолунун 55-115-чакырымдарында; Бишкек-Нарын-Торугарт унаа жолунун 292-305-чакырымдарында (Долон ашуусу);
• Бишкек-Нарын-Торугарт унаа жолунун 353-357-чакырымдарында (Кызыл-Бел ашуусу);
• Казарман-Ак-Тал-Чат унаа жолунун 42-44, 60-94-чакырымдарында (Кара-Гөө ашуусу, Ийри-Суу тилкеси);
• Арал-Миң-Куш унаа жолунун 1-14-чакырымдарында;
• Каракол-Эңилчек унаа жолунун 45-50, 74-90-чакырымдарында (Чон-Ашуу ашуусу);
• Барскоон-Ак-Шыйрак унаа жолунун 52-68-чакырымдарында (Сөөк ашуусу),
• Түп-Кеген унаа жолунун 51-76-чакырымдарында;
• Сары-Таш-Дароот-Коргон-Карамык унаа жолунун 97-98, 110-136-чакырымдарында;
• Ош-Сары-Таш-Эркештам унаа жолунун 165-177, 218-224-чакырымдарында (Талдык, Тоң-Мурун ашуулары).

Унаалардын ортосундагы 500 метр аралык кыймыл чектелиши зарыл.