Кыргызстандын тоолуу райондорунда кар көчкү түшүүсү күтүлөт

Бишкек, 09.02.24. /Кабар/. Кыргызстандын толлуу райондорунда кар көчкү түшүүсү күтүлөт. Бул тууралуу Өзгөчө кырдаалдар министрлигинен билдиришти.

Маалыматка ылайык, 9-февралда күтүлүп жаткан жаан-чачынга байланыштуу Кыргызстандын тоолуу райондорунда, ошондой эле төмөнкү ашууларында кар көчкү түшүүcү жана кар күрткүсү күтүлөт:

• Бишкек – Ош унаа жолунун 121-138-чакырымдарында (Төө-Ашуу ашуусу),
• Бишкек – Ош унаа жолунун 198-260-чакырымдарында (Чычкан капчыгайы, Ала-Бел ашуусу),
• Мырзаке-Кара-Кулжа-Алайку унаа жолунун 55-115-чакырымдарында,
• Ала-Бука-Каныш-Кыя унаа жолунун 68-101-чакырымдарында (Чапчыма ашуусу),
• Красная-Горка-Акташ унаа жолунун 0-3-чакырымдарында.

Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.