Бишкек, 30.01.24. /Кабар/. Азыркы учурда Кыргызстанда валюта рыногундагы абал туруктуу. Бул тууралуу "Кабар" агенттигинде өткөн маалымат жыйынында Улуттук банкттын расмий өкүлү Аида Карабаева билдирди.
Анын айтымында, жыл башынан бери 24-январга чейин доллардын сомго карата расмий курсу 0,26%га өстү. Бул аралыкта интервенция жүргүзүлгөн жок жана ага зарылчылык болгон эмес.
Карабаева белгилегендей, ал эми 2023-жылы доллардын сомго карата расмий курсу жалпысынан 3,97%га чейин өскөн. "Бул аралыкта Улуттук банк валюта рыногундагы абалдын кескин өзгөрүшүн алдын алуу максатында 14 ирет интервенция жасап, 655 млн доллар саткан", - деди ал.
Пикир
Оставить комментарий