Бишкек, 23.04.21. /Кабар/. Кыргызстанга 40 миң тоннага жакын кумшекер ташылып келет. Бул тууралуу Айыл, суу чарба жана аймактарды өнүктүрүү министрлиги билдирет.
Белгилей кетсек, Евразия экономикалык комиссиясынын кеңеши 2021-жылдын 15-майынан 30-сентябрына чейинки мезгилде шекерди кошумча нарк салыгысыз ташып келүү түрүндө тарифтик жеңилдик берүү жөнүндө чечим кабыл алды.
Армения Республикасына 22,4 миң тоннадан ашык эмес көлөмдө, Казакстан Республикасына - 134,4 миң тоннадан ашык эмес, Кыргыз Республикасына - 40 миң тоннадан ашык эмес көлөмдө ташылып келет.
«ЕЭК коллегиясы ай сайын тарифтик жеңилдиктерди колдонуу менен шекердин импортунун иш жүзүндөгү көлөмүнө, ошондой эле ЕЭСтин ички рыногундагы көлөмдөрдүн мамлекеттик рынокко сатылышына мониторинг жүргүзүү боюнча кызматташат. Кумшекер базардагы бааларга байланыштуу, алар ушул жылдын июль айында, зарыл болсо, кошумча турукташтыруу чаралары жөнүндө маселени кароо үчүн кайтып келүүгө макул болушту», - деп белгиледи Евразияэкономикалык комиссиясынын министри Андрей Слепнев.
Мындан тышкары, Бажы биримдигине кирген мамлекеттердин ички базарларына кантты тез жеткирүү менен камсыз кылуу үчүн кызыкдар керектөөчүлөрдүн жана өндүрүүчүлөрдүн өз ара аракеттенүүсүн уюштурат. ЕЭК кеңеши ошондой эле ЕАЭБдин кант рыногун туруктуу өнүктүрүү боюнча сунуштарды даярдоо чечимин кабыл алды.
Комиссиянын кеңешинин чечими расмий жарыяланган күндөн тартып 10 календардык күндөн кийин күчүнө кирет.
Пикир
Оставить комментарий