Бишкек, 23.10.24. /Диана Айдарова - Кабар/. Бишкекке Түркиядан 35 автобус келе жатат. Бул тууралуу "Кабар" агенттигине Бишкек шаарынын вице-мэри Жамалбек Ырсалиев билдирди.
Анын айтымында, жаңы автобустар Бишкек мэриясы тарабынан сатып алынды.
“Автобустар кондиционер жана майыптыгы бар жарандар үчүн көтөрүүчү механизмдер менен жабдылган”, - деп кошумчалады ал.
Вице-мэр белгилегендей, жаңы автобустар экспресс каттамдарга чыгат. Мисалы, “Манас” аэропортуна чейин каттайт.
“Бүгүнкү күндө борбордо 1 миң 376 автобус бар. Күн сайын линияга 1 миң 70 автобус жана 108 троллейбус чыгууда. Дагы кошумча автобустар алынып келип, региондорго берилген троллейбус каттамдарынын ордуна чыгат, - деп белгиледи Ырсалиев.
Пикир
Оставить комментарий