Кыргызстанга октябрдын аягында зениттик-ракеталык комплекс келип, Баткенге коюлат

Бишкек, 19.10.22. /Адил Төлөгөнов - Кабар/. Кыргызстанга октябрдын аягында абадан коргонуучу зениттик-ракеталык комплекс алып келинет. Бул тууралуу “Кабар” агенттигиндеги маалымат жыйынында Кыргызстандын коргоо министри Бактыбек Бекболотов билдирди.

Анын айтымында, аталган ракеталык комплекс Баткенге коюлуп, чек араны коргойт.

"Мурунку жылдан бери биз БелТехЭкспорт менен сүйлөшүү жүргүзүп келгенбиз. Ушул жылы Минскке барып, "Печора-2БМ" зениттик-ракеталык комплексин көрүп келдим. Ал С-125 "Печоранын" модернизацияланган түрү, жаңыланган. Абадан коргонуучу ракеталар жакын арада өлкөбүзгө келип түшөт", - дейт ал.

Бекболотов Кыргызстандын 6-7 тик учагы учурда чет өлкөдө оңдолуп жатканын айтып, алар жыл аягында бүтөрүн кошумчалады.