БИШКЕК, 08.08.2017 /Мирлан Киизбаев – Кабар/. “Кыргызтелеком” Бишкек жана Ош шаарларында “Коопсуз шаар” долбоорун ишке ашыруу боюнча сынамык долбоордун техникалык шарттарын иштеп чыкты. Сынамык долбоорду ишке киргизүүгө компаниянын материалдык-техникалык базасында бардык мүмкүнчүлүктөр бар. Бул тууралуу мамлекеттик мүлктү башкаруу фондунун жыйынында “Кыргызтелекомдун” жетекчиси Нурлан Мадаминов билдирди.
Ал “Кыргызтелекомдун” базасында республика боюнча тармактуу коммуникациялык желе, инфраструктура жана тиешелүү адистер бар экенин белгиледи.
"Мындан тышкары, 2017-жылы," Кыргызтелеком " сынамык долбоорду ишке ашыруу үчүн акысыз негизде программалык жана аппараттык компания-иштеп чыгуучулар менен меморандум түзгөн. Иштеп чыккан компаниялар мүмкүнчүлүктөрүн көрсөтүү максатында программалык-аппараттык видеобайкоо комплексин жана “Коопсуз шаар” долбоорун ишке ашырууда видеобайкоо техникаларын берүүгө даяр”,-дейт Мадаминов.
Анын айтымында, программалык-аппараттык, тармак камералар жана көзөмөлдөө системасын тандоо бир гана укук бузууларды аныктоого эмес, ошондой эле ӨКМ жана коммуналдык кызматтардын айрым маселелерин чечүүгө көмөк көрсөтөт.
Пикир
Оставить комментарий