Бишкек, 25.12.19. /Кабар/. Кыргызстанда транспорт жана коммуникация тармактарында жакшы жетишкендиктер болду. Бул тууралуу президент Сооронбай Жээнбеков мамлекеттик "Ала-Арча" резиденциясында өтүп жаткан жыл аягындагы жыйынтыктоочу маалымат жыйынында билдирди.
Анын айтымында, Кытай-Кыргызстан-Өзбекстан темир жолун куруу боюнча сүйлөшүүлөр интенсивдүү жүрүүдө.
"Эң башкысы – мамлекет башчылары тарабынан саясий чечим кабыл алынды. Альтернативалык Түндүк-Түштүк жолунун курулушу 70%га аяктады. Ички жолдорду оңдоого көңүл бурулууда. 2019-жылы ар бир райондо 3 чакырым жолго асфальт төшөлдү", - деди ал.
Аны менен бирге ал, ал белгилегендей, 2 жыл аралыгында өлкө боюнча 828 чакырым жол асфальтталган.
Пикир
Оставить комментарий