Бишкек, 08.04.19. /Кабар/. Кыргызстанга Кытайдан келген түз инвестициялардын басымдуу бөлүгү - 56%дан ашыгы кайра иштетүү ишканаларына жумшалган.
Улуттук статистикалык комитеттин алдын ала эсептөөлөрү боюнча, алардын 96%ы тазаланган мунайзат өндүрүшүндө, 29%ы кендерди казып алуу жана 15%га жакыны геологиялык чалгындоо тармагында иштетилген.
Өткөн жылы 2017-жылга салыштырмалуу Кытайдан келген түз инвестициялардын көлөмү 19%га кыскарып, 245 млн. доллардан ашык болгон.
"Кытайдан келген инвестициялардын азайганына карабай, алар өлкөгө келген чет элдик түз инвестициялардын негизги бөлүгүн түзөт (2018-ж. – 43%, 2017-ж. – 49%)", - деп билдирет Статистика комитети.
Статистика комитетинин адистери белгилегендей, кытайлык инвестициялар геологиялык чалгындоо тармагында 2,6 эсе жана кендерди казып алуу ишканаларында 4%га азайган.
Аны менен катар, кайра иштетүүчү ишканаларга инвестиция өскөн (4%). 2018-жылы Кытайдан Кыргызстандын экономикасына келген инвестициялар Чүй жана Жалал-Абад облусундагы ишканаларга жумшалган.
Пикир
Оставить комментарий