Бишкек, 13.10.17./Кабар/. Кытайда оюнчук талашкан балдардын аталары өз ара мушташа кетишкен. Окуянын видеосу Youku порталында жарыяланган.
Daily Mail маалыматы боюнча, окуя Гуандун провинциясынын Шэньчжэнь шаарында болгон. Видеодо көрсөтүлгөндөй эркектер оюн-зоок аянтчасында мушташышып, колдоруна эмне туш келсе алып, бири-бирин урушкан.
Чыр-чатактын себеби балдар оюнчугунан улам келип чыккан,-деп жазат РИА Новости.
Бир нече убакыттан кийин сооба борборунун күзөтчүлөрү келип, мушташты токтотуп калышкан. Окуядан эч ким катуу жаракат алган эмес.
Пикир
Оставить комментарий