Бишкек, 05.02.19 /Кабар/. Кытайдын Наньнин шаарынын тургунунун жүрөгүнөн дарыгерлер тиш чукугучту алып чыгышкан. 29 жаштагы Чжоу аны төрт жыл мурун алкоголдук коктейлди ичип жатканда жутуп алган, - деп жазат Daily Mail гезити.
Маалыматка ылайык, Чжоунун дене табы 40 градуска жетип, ооруканага түшкөн. Дарыгерлерге акыркы төрт жылдан бери ден-соолугу барган сайын начарлап баратканын билдирген
Медиктер текшерип жатып, Чжоунун өпкөсүндө көлөкөнү жана жүрөк тарабында сезгенүүнү байкашкан.
Операция учурунда хирургдар бейтаптын жүрөк камераларынын биринен 6 сантиметрдик тиш чукугучту табышкан.
Дарыгерлердин болжолу боюнча, тиш чукугуч дем алуу органдары аркылуу барып өпкөнү тешип, жүрөккө сайылып калышы мүмкүн эле.
Чжоу төрт жылдан бери ден-соолугу начарлап, температурасы көтөрүлүп, өпкөсү сезгене берчү. Бирок дарыгерлер ага так диагноз кое албай коюшкан. Ошол аралыктан бери ал дарыланууга 30 миң доллар короткон.
Пикир
Оставить комментарий