Бишкек, 08.04.22. /Кабар/. Кызыл-Кыя шаарында түнкүсүн көчөдө жүргөн беш өспүрүм аныкталды. Бул тууралуу Баткен облустук ички иштер башкармалыгынын маалымат кызматы билдирди.
Өспүрүмдөрдүн ата-энелерине Укук бузуулар жөнүндө кодекстин 102-беренесинин (“Ата-энелик милдеттерден качуу”) негизинде протоколдор толтурулуп, айып пулдар салынды.
“Орозо айында ооз ачуудан кийин жаш өспүрүмдөр ата-энелеринин көзөмөлүнөн чыгып, акча табуу максатында кооптуу жерлерде жарамазан айтып жүрүшкөндүктөн, аларга милиция кызматкерлери түшүндүрүү иштерин жүргүзүүдө”, - деп айтылат маалыматта.
Мындан сырткары, топтошуп мушташууларга, укук бузууларга жол бербөө, кылмыштуулуктун алдын алуу максатында милиция кызматкерлери мечиттерге барып, таравих намазына келген жаш өспүрүмдөрдүн коопсуздугун көзөмөлдөп, кеңештерин беришти.
Пикир
Оставить комментарий