Бишкек, 26.01.22. /Кабар/. Лейлек райондук ички иштер бөлүмү боюнча ЖКККБнвн кызматкерлери Лейлек районунун аймагында «Коомдук транспорт» аталышындагы рейд өткөрүп, жүргүнчүлөрдү ташыган коомдук унааларды текшерип, айдоочуларга түшүндүрүү иштерин жүргүзүүдө. Бул тууралуу Баткен ОИИБсы боюнча ЖКККБнын басма сөз кызматынан билдиришти.
Маалыматка ылайык, жүргүнчүлөрдү ташыган коомдук транспорттор катышкан жол транспорт кырсыгынын алдын алуу үчүн айдоочулардын айдоо маданиятын толук өздөштүрүүсү, унаанын техникалык абалына көңүл бөлүүсү жана жол эрежелерин сактоосу керектиги айдоочуларга түшүндүрүлдү.
Рейд учурунда автобустардын, кичи автобустардын соңку аялдамасына барып, кичи автобустардын графиктерин, техникалык кароодон өткөндүгүн, жүргүнчүлөрдү ташууда көрсөтүлгөн орундуктардын санын, жүргүнчүлөрдү алууда же түшүрүүдө көрсөтүлгөн жерлерде токтоосун, ошондой эле айдоочулар каттамга чыгар алдында медициналык көзөмөлдөн өтүүсүн текшерүүгө алып, тиешелүү протоколдорду түзүү менен түшүндүрүү иштери жүргүзүлүүдө.
Пикир
Оставить комментарий