Бишкек, 30.03.23. /Кабар/. Баткендин Лейлек районунда акча уурдоого шектелип эки өспүрүм кармалды. Бул тууралуу облустук милициясынын басма сөз кызматы билдирди.
Лейлек районунун Ак-Терек айылынын 35 жаштагы тургуну милицияга арыз менен кайрылган. Анда ал ооруканадан дарыланып, үйүнө келген учурда белгисиз жарандар тарабынан 40 миң сом акчасы жана азык-түлүктөрү уурдалгандыгы жазылган.
Аталган факты Кылмыш-жаза кодексинин 205-беренеси (“Уурулук”) менен катталган.
Лейлек райондук милициясынын балдар менен иштөө инспекторлору тарабынан ошол эле айылдын жашы жете элек эки бала шектүү катары кармалган.
Учурда тергөө иштери жүрүп жатат.
Пикир
Оставить комментарий