Ленин округунан депутатты шайлоо. Талапкерлердин саны үчкө жетти

Бишкек, 03.04.23. /Кабар/. №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоого катыша турган талапкерлердин саны үчкө жетти. Бул тууралуу БШКдан билдиришти.

Маалыматка ылайык, 31-мартта БШКга арыз менен үч талапкер кайрылган.

- Марат Арзыкулов;
- Эркин Булекбаев;
- Максат Кунакунов.

№26 Ленин бир мандаттуу шайлоо округу боюнча депутаттыкка талапкерлерди көрсөтүү 27-апрелде аяктайт.

Эскерте кетсек, №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо 2023-жылдын 28-майында өтөт.