Бишкек, 20.02.21. /Кабар/. Бишкек шаардык Ленин райондук Ички иштер башкармалыгынын жыйындар залында эл аралык Эне тил күнүнө карата иш-чара өткөрүлдү. Бул тууралуу Бишкек шаардык Ленин РИИБнын басма сөз кызматы билдирди.
Эскерте кетсек, эл аралык эне тил күнү 1999-жылдын 17-ноябрында ЮНЕСКОнун Генералдык конференциясы тарабынан жарыяланган. 21-февраль - "Эл аралык Эне тил күнү" 2000-жылдан бери жыл сайын тил жана маданият түрдүүлүгүнө жана көп тилдүүлүккө көмөк көрсөтүү максатында белгиленип келет.
Аталган иш-чарага Бишкек шаарынын Ленин РИИБнын борбордук аппаратынын өздүк курамы, кадрлар жана кесиптик даярдоо тобунун инспекторлору катышты.
Бул иш-чара "Кыргыз Республикасынын Ички иштер органдарында мамлекеттик тилди өнүктүрүү" темасында өткөрүлдү.
Иш-чаранын максаты-ар түрдүү элдердин тил жана маданий салттары менен тааныштыруу жана өнүктүрүү болуп саналат.
Иш-чаранын соңу милиция кызматкерлери тарабынан "Мекеним Кыргызстан" аттуу темасында баяндама жазуу менен аяктады.Бул, укук коргоо органдарынында кызмат өтөгөн кызматкерлер арасында эне тилибиздин маданий мурасын өнүктүрүү жана колдоо көрсөтүүнү бекемдейт.
Пикир
Оставить комментарий