Өлкө аймагында бир түндө 55 мас айдоочу аныкталды – ЖКККББ

Бишкек, 31.12.24. /Кабар/. Жаңы жыл майрамынын астында 30-декабрдан 31-декабрга караган түнү өткөрүлгөн рейддик иш-чаранын алкагында өлкө аймагында жол эрежелерин одоно бузган 2 184 айдоочулар аныкталды.

Жол кыймылынын коопсуздугун камсыздоо башкы башкармалыгынан билдиришкендей, анын ичинен:

• мас абалында унаа башкарган 55 айдоочу;
• тийиштүү докумменттери жок унаа башкарган 64 айдоочу;
• ылдамдыкты ашырып айдаган 467 айдоочу;
• каршы тилкеге чыгып унаа башкарган 31 айдоочу;

Ошондой эле 217 авто унаа одоно жол эрежелерин бузгандыгы үчун айып короо жайына токтотулду. Рейддик иш-чара бүгүн да күчөтүлгөн тартипте улантылат.