Бишкек, 27.11.24. /Кабар/. Бишкектеги “Үмүт үйү” улгайган жана майыптыгы бар жарандар үчүн социалдык стационардык мекемесинде “Алтын күз” майрамы белгиленди.
Муниципалитеттен билдиришкендей, иш-чарага мекеменин кызматкерлери, жашоочулары, мэриянын социалдык өнүктүрүү департаментинин өкүлдөрү, демөөрчүлөр жана коноктор катышты.
Иш-чарада ар кыл конкурстар уюштурулуп, активдүү катышуучуларга сыйлыктар тапшырылды. Ошондой эле мекеменин жашоочуларынан турган командалар "Алтын күз" темасында көркөм оюн-зоок, викторина тартуулашты.
Маалымат үчүн: "Үмүт үйү" улгайган жана майыптыгы бар адамдар үчүн социалдык стационардык мекемесинде бүгүнкү күндө 206 адам жашайт, мекеменин бардык жашоочуларына социалдык, медициналык, турмуш-тиричилик кызматтары акысыз көрсөтүлөт.
Пикир
Оставить комментарий