Маданият министрлиги жаңы жыл алдында “Жылуу маанай” флешмобун баштады

Бишкек, 24.12.20. /Кабар/. Кыргыз Республикасынын Маданият, маалымат жана туризм министрлиги жаңы жыл алдында “Жылуу маанай” флешмобун баштады.

Анда министрликтин аппаратында жана маалымат департаментинде иштеген кызматкерлер таң заардан туруп шаардын тазалыгына кам көрүп жаткан “Тазалык” ишканасынын кызматкерлерине барып, маанайларын көтөрдү.

Мындай демилгелүү иш-чарага министрдин орун басары Илязбек Балташев да катышты.

Министрдин орун басары күжүрмөн “Тазалыктын” кызматкерлерине ден соолук жана иштерине ийгилик каалады.

“Жылуу маанай” флешмобун министрлик Кыргыз Республикасынын Эмгек жана социалдык өнүгүү министрлигине узатты.