Бишкек, 27.08.21. /Кабар/. 26-августта Майлуу-Суу шаардык ички иштер бөлүмү тарабынан “Укук жана тартип” рейди өткөрүлдү. Бул тууралуу Жалал-Абад облустук милициясынын басма сөз кызматы билдирет.
Маалыматка ылайык, шаар аймагында укук бузуучулуктун алдын алуу максатында өткөрүлгөн рейд учурунда 100 кожолук текшерилип, Кыргыз Республикасынын Бузуулар жөнүндө кодексинин негизинде 7 протокол түзүлдү.
"Түнкү убакыттарда чоңдордун көзөмөлүсүз жүргөн жаш өспүрүмдөрдүн ата-энелери чакыртылып, түшүндүрүү иштери жүргүзүлүп, үйлөрүнө жөнөтүлдү. Ошондой эле милицияда профилактикалык каттоодо турган жарандар текшерилип, мыйзамдуулукту сактоосу боюнча эскертүүлөр берилди", - деп айтылат билдирүүдө.
Пикир
Оставить комментарий