• 89.41
  • 96.91
  • 0.97

Мамбеткадыров: Президент кайрылуусунда улуттук кызыкчылыктардын артыкчылыктары жөнүндө айтты

Коом 0

Бишкек, 06.05.21. /Кабар/. Кечээ, 5-майда президент жаңы Конституцияга кол койду. Муну менен катар ал Кыргызстан элине кайрылуу жасады, анын жүрүшүндө жаңы Конституция тууралуу ойлору менен гана бөлүшпөстөн, өлкөнүн турмушунун бардык тармактарына таасир эткен көптөгөн тармактарга токтолду. Ал Конституциялык реформа – бул башталышы гана экенин жана алдыда көптөгөн иштер бар экенин айтты.

Ушуга байланыштуу эксперттик коом тегерек столго чогулушуп, президенттин кайрылуусун талкуулашты. Айдарбек Мамбеткадыров өзүнүн пикири менен бөлүштү.

“Президенттин кайрылуусунда мени таң калтырганы акыркы 30 жыл ичинде биз көргөн кадимки көз ирмемдерден алыстап кеткенибиз болду. Бирок, кайрылуу кубандырды жана мындан ары иштөөгө түрткү берди. Биз барыбыз 90-жылдардан бери мындай кайрылууларда түрдүү программалар айтылып келерин билебиз. Бирок бул жөн гана жазуу жана атын алмаштыруу болуп келген. Бул жолу биздин улуттук кызыкчылыктарыбызды эске алуу менен өз кезегинде көптөгөн багыттарды камтыган 4 багыт айтылды”,-деди юрист.

Ошондой эле, ал 30 жылда тынымсыз айтылып келген баалуулуктарга жете электигин кошумчалады. Бул анын айтымында, өлкөнүн экономикалык өнүгүүсүнүн ар кандай түрлөрүн колдонуп көрүүгө аракет кылып келгендиги менен байланыштуу.

Пикир

Оставить комментарий